స్టార్ మా టీవీలో ప్రసారకమవుతున్న సీరియల్ 'బ్రహ్మముడి'(Brahmamudi).ఈ సీరియల్ గురువారం నాటి ఎపిసోడ్ -549 లో.. అనామిక మనిషిని జాబ్ నుండి తీసేసీ సెక్యూరిటీ పోస్ట్ ఇస్తుంది కావ్య. ఇలా ఎవరైనా ఆఫీస్ కి ద్రోహం చెయ్యాలని చూస్తే ఇలా సెక్యూరిటీ జాబ్ కాదు.. ఇక పోలీస్ స్టేషనే అని కావ్య ఎంప్లాయిస్ కి వార్నింగ్ ఇస్తుంది. మేడమ్ మీకు పెళ్లి అయి ఎన్ని రోజులు అవుతుంది. ఆరు నెలలు అవుతుందా అని శృతి కావ్యని ఆడుతుంది. నీకు తెలియదా.. ఆరు నెలలు మూడు సార్లు అయింది.. ఎందుకు అడిగావని కావ్య అనగానే.. ఆరు నెలలు సావాసం చేస్తే వాళ్ళు వీళ్ళు అవుతారంట మీరు రాజ్ సర్ లాగే చేస్తున్నారని శృతి అంటుంది.

రాజ్ ఆఫీస్ కి వెళ్తున్నాడో లేదో అని అపర్ణ, ఇందిరాదేవిలు డిస్కషన్ చేసుకుంటుంటే.. ఏంటి అత్త కోడళ్ళు గుసగుసలు పెట్టుకుంటున్నారని రుద్రాణి అంటుంది. దాంతో నీ భర్త ఎక్కడున్నాడో వెతకమని చెప్పాము. తెలిస్తే నీ దరిద్రం మాకు వదిలిపోతుంది కదా అని ఇందిరాదేవి అనగానే.. వద్దు నేను ఎక్కడికి వెళ్ళనని రుద్రాణి అంటుంది. అప్పుడే రాజ్ టీ షర్ట్ లుంగీ కట్టుకొని కిందకి వస్తాడు. అపర్ణ, ఇందిరాదేవి ఇద్దరు ఆశ్చర్యంగా చూస్తారు. కాలిగా ఉన్నా అని సింబాలీక్ గా ఇలా వేసుకున్నానని రాజ్ అంటాడు. అపుడే కావ్య ఫోన్ చేస్తుంది. నేను ఆఫీస్ కి వెళ్లకుంటే ఎక్కడి పనులు అక్కడే ఆగిపోయి ఉంటాయ్.. రమ్మని బ్రతిమిలాడడానికి కాల్ చేస్తుంది.. మీ అప్పలమ్మ అని రాజ్ వాళ్ళతో అంటాడు. రాజ్ ఫోన్ లిఫ్ట్ చేసి ఎక్కడి పనులు అక్కడే ఆగిపోయాయా అని అంటాడు. లేదు ఇప్పడే ఫాస్ట్ గా అవుతున్నాయని కావ్య అంటుంది. మరెందుకు కాల్ చేసావని రాజ్ అడుగుతాడు. లాప్ టాప్ పాస్ వర్డ్ చెప్పండి అని కావ్య అడుగుతుంది. చెప్పను.. నువ్వు సీఈఓ అయ్యావ్ కదా కనిపెట్టమని రాజ్ అంటాడు.

మరొక వైపు కళ్యాణ్ రైటర్ దగ్గరికి వెళ్తాడు. తనకి అవకాశం ఇవ్వమని అడుగుతాడు. దాంతో అతను కళ్యాణ్ ని అవమానిస్తాడు. కళ్యాణ్ అక్కడ నుండి వెళ్ళిపోతాడు. ఆ తర్వాత రాజ్ కిచెన్ లోకి వెళ్లి అపర్ణ, శాంతలని డిస్టర్బ్ చేస్తుంటాడు. హాల్లో కూర్చొని పని మనిషికి అది తీసుకొని రా.. ఇది తీసుకొని రా అంటూ పని చెప్తాడు.‌ రాజ్ ని కాళీగా ఉన్నావంటూ అందరు ఏదో ఒకరకంగా ఎగతాళిగా మాట్లాడతారు. ఆ తర్వాత ఏం జరిగిందో తెలియాలంటే తర్వాతి ఎపిసోడ్ వరకు ఆగాల్సిందే.